DRINGOLONDANGO l’esquilo
Enluzernatos los beigo, siñors,
ascuitan pasallá en a tele
e ta la dreita chiran,
encara que no bi aiga esbarre,
dringolondango l’esquilo,
ta no tersbatir-se
u ta que no les tresbata l’amo,
por o camín estreito
con cletas á os laus
por si amanix bel dandalo.
Paren cuenta, siñors,
que a millor tasca no crexe en alto,
si no abaxo á ran d’o río,
ixo lo saben toz,
tot lo bistiar con esquilo.
Dringolondango l’esquilo.