As rispuestas
Continamos acotolando y apedecando ideyas,
cada begada más ascape,
y encara no emos trobadas as rispuestas.
Bi ha begadas que prebo de prexinar
como será la nuestra ambiesta y o nuestro esmo
cuan sigamos consziéns de que as rispuestas,
ya no ye que no i sigan, amán nuestro,
ye que no esisten pas.
No bi’n ha de rispuestas,
talmén porque emos trigadas mal as preguntas,
talmén porque lo que cal ta replecar tot isto no son preguntas.
Prenzipiemos á petenear en a endrezera entibocada,
pero fa tanta galbana tornar por o camín que mos trayó dica astí…
le fá buen estar en o´lugar. ixo me diceban las gens de ceresuela- yeba fanlo en el año 1.962
Comentario por cecilia — 9/14/2004 @ 6:41 pm
Lo domingo a la tarde m’acoflo en lo sofá de casa nuestra
y no me se fa cosa de lo que tos pase.
La fambre en lo mundo, las guerras,
l’acotolamiento de l’aragonés,
los que fuyen en las pateras.
La mafia rusa, las pensions de los biellos,
lo botellón de los chobens,
la globalizazión a caramuello.
Ista España jauta que ba bien,
ixe terzer mundo que s’enruena,
y lo trescole de l’Ebro.
No m’intresa pas. ¡Como si no en tenese prou con lo de yo!
Lo domingo a la tarde m’acoflo en lo sofá de casa nuestra
y no me se fa cosa de lo que tos pase.
5-2002
Comentario por Chuflo — 11/6/2004 @ 1:29 pm