Qué emos feito?
No’n sé que emos feito con os esparbels,
pero ya no cazan pas,
replegan os repuis d’a nuestra basuera.
No’n sé que emos feito con a tasca,
pero cada begada crexe menos,
o que yera berde se plena d’amariellos y pardos.
No’n sé que emos feito con os tomates,
pero ya no fan lagor ni gana
y ni son royos ni saben á pon.
No’n sé que emos feito con l’orache,
pero os ibiernos y as primaberas son o mesmo,
no plebe pas y cuan plebe ye sin d’esmo.
No’n sé que emos feito con nusatros,
pero cada begada somos más tristos, tresbatíus y buedos,
y nos importa más igual qué ye de l’esparbel, a tasca, os tomates y l’orache.
qué bichos estarban os esparbels?
de tomates bi’n ha
cal escar-los n’os mercaus
amagaus, libidinosos, acoquinaus
aguerro no bi’n ha
primabera tampoc pas
no
pero bi’n ha de diyas inciertos,
chicorrons como berrugas,
esparcius n’os meses os mas fieros
y antimas
n’os diyas os mas furos,
antimas,
nos queda lo ziero
Comentario por ANCHEL — 7/20/2004 @ 5:02 pm
Os esparbels son Los milanos, a rapiña que más beyes por a carretera cuan pasas con l’auto d’Almudebar t’alto (ye un abe probinzialista).
Comentario por diago — 7/30/2004 @ 1:01 pm